A cikin wani wa’azi da ya gabata, fitaccen Malamin Addinin Musulunci daga jihar Bauchi, Sheikh Abubakar Tijjani Guruntum, ya caccaki dabi’ar matasa na baiwa budurwarsu kudi, waya ko kayan alatu, alhali ba aurenta za suyi ba. Malamin, wanda mamba ne a kungiyar Izala, ya nuna cewa wannan dabi’a cin dukiya ne a banza da musulunci bai yarda da ita ba.
Sheikh Guruntum ya kara da cewa, “Duk wanda ya dauki dukiyarsa, ya ba budurwa da ba shi da niyyar aure almubazzaranci ne. Wannan bai dace da musulunci, da hali mai kyau ba.” Ya shawarci matasa da su kiyaye dukiyarsu, su mai da hankali ga ingantaccen makoma da kyakkyawar rayuwa.
Bisa ga wa’azin malamin, ana bukatar matasa su fahimci hikimar zamantakewa, da kauce wa kashe kudi ko kaya a gurin masoya ba tare da ingantacciyar alkawari na aure ba. Ya bayyana cewa, hanya mafi kyau ita ce, a tsara rayuwa cikin da’a da biyayya ga koyarwar addini.
Me ra’ayinku game da wannan fatawa? Kuna goyon bayan irin wannan shawara, ko kuna da wata fahimta?
Karku manta, ku cigaba da ziyarar shafin **Arewa Jazeera** domin karin labarai masu inganci da tarbiyya!
