Kaikayin gaba (al’aura) matsala ce da take damun mutane da yawa amma saboda kunya ko tsoro suna boyewa.
Wannan matsala na iya shafar:
jin daɗin aure
lafiyar jiki
kwanciyar hankali
Kaikayi ba cuta ba ne da kansa, amma alamar wata matsala ce a jiki.
Abubuwan da ke janyo kaikayi a gaba
- Kwayoyin cuta (infection)
Kamar:
fungal (yeast)
bacteria
STDs (idan akwai cudanya ba halal ba) - Rashin tsafta
rashin wanka akai-akai
sanya kayan ciki masu datti
zufa mai yawa - Amfani da sabulu ko sinadari mai ƙarfi
Wasu sabulai ko turare na kashe kariyar fatar gaba. - Bushewar fata
Musamman ga mata bayan saduwa ko lokacin sanyi. - Yawan goge gaba
Yawan goge-goge na ƙara kaikayi.
Maganin kaikayi a gaba - Tsafta ta farko
Wanke gaba da ruwa mai ɗumi
Ka guji amfani da sabulu mai ƙamshi a ciki
Sauya kayan ciki kullum - Busar da wurin
Ka tabbata gaba ta bushe bayan wanka, domin danshi na haifar da ƙwayoyin cuta. - Amfani da man kwakwa ko man zaitun
Ana iya shafawa:
kadan a wajen fata (ba ciki ba)
yana rage kaikayi da bushewa - Kada ka yi amfani da magani ba tare da shawara ba
Wasu creams suna:
ƙara lalata fata
ɓoye cuta
Idan kaikayin ya wuce kwanaki 3–5 ko yana da:
wari
kaikayi mai tsanani
farin ruwa ko zubar jini
to dole a ga likita.
Abubuwan da zaka guje wa
❌ yawan saduwa lokacin kaikayi
❌ sanya kayan ciki masu matse jiki
❌ shafa gishiri ko magungunan gargajiya marasa tabbas
Darasi
Kaikayi a gaba ba abin kunya ba ne. Abin kunya shi ne:
ka ƙi neman magani
har ya rikide ya zama babbar cuta
Da wuri, tsafta da shawarar likita su ne mafita mafi kyau.
