Istimina’i (masturbation) lamari ne da mutane da yawa suke fuskanta, musamman matasa. A musulunci, malamai sun yi sabani a kan hukuncinsa, amma mafi yawansu sun ce haramun ne saboda yana daga cikin neman jin dadin jima’i ba tare da hanyar da aka halatta ba. Wannan rubutu zai taimaka maka ka fahimci dalilin da yasa ake hana shi, da kuma hanyoyin da za ka bi don ka guji wannan aiki.
Dalilin Da Yasa Ake Hana Istimina’i
Malamai sun dogara da ayar Alqurani a Suratul Mu’minun (23:5-7) inda Allah ya ce muminai su kiyaye farjinsu sai ga matansu ko kuyanginsu. Wannan yana nufin duk wata hanya ta neman jin dadi ba wadannan ba, ba ta halatta ba.
Bayan haka, istimina’i yana da illoli kamar:
- Raunin jiki da tunani
- Jaraba da wuya a bari
- Tashin hankali da kunya
- Raunana dangantaka da Allah
Hanyoyin Da Za Ka Bi Don Ka Guji Istimina’i
1. Yi Azumi
Manzon Allah (SAW) ya ce: “Ya ku matasa, duk wanda ya samu ikon aure, to ya yi aure. Wanda kuma bai samu ba, to ya yi azumi, domin azumi yana kashe sha’awa.” Azumi yana taimakawa wajen rage sha’awar jiki.
2. Nisanci Abubuwan Da Suke Tayar Da Sha’awa
Ka guji kallon hotuna ko bidiyo marasa kyau. Ka kula da abin da kake kallo a wayarka ko kwamfutarka. Ka nisanci abokanan da suke magana a kan irin wadannan abubuwa.
3. Ka Shagaltar Da Kanka
Ka nemi ayyuka masu amfani kamar:
- Karatu
- Wasanni
- Koyon sana’a
- Taimakon iyali
Lokacin da kake shagala, ba za ka samu damar tunanin abubuwa marasa kyau ba.
4. Ka Karfafa Imaninka
Ka dinga yin sallah a kan lokaci, ka karanta Alqurani, ka yi zikiri. Lokacin da zuciyarka ta kusanci Allah, za ka samu karfin guji zunubi.
5. Ka Yi Aure Idan Ka Iya
Aure shine mafita ta dindindin da addini ya kawo. Idan ka samu damar yin aure, to ka yi, domin shine hanya mafi kyau ta biyan bukata.
6. Ka Yi Addu’a
Ka roki Allah ya taimake ka. Ka ce: “Ya Allah ka ba ni karfin guji abin da ka haramta, ka wadatar da ni da abin da ka halatta.”
Danna Nan Don Samun Wasu Sirrikan Soyayya Da Aure
Guji istimina’i ba abu ne mai kyau ba, amma ba abu ne da ba zai yiwu ba. Da niyyar gaske, da kokari, da taimakon Allah, za ka iya cin nasara. Ka tuna cewa kowane kokari da kake yi don guji zunubi, Allah yana ganin kuma zai saka maka. Ka fara gwadawaba yau, mataki-mataki, har ka kai da cin nasarar dainawa.
Allah Ya Kara Shirya Mu, Ya Kuma Horema Wanda Basuda Aure Dama Suyi Aure.
