Auren zamani ya nuna cewa jin daɗin mace ba ya farawa ne daga jima’i kai tsaye, sai dai daga abubuwa masu sauƙi da suke taɓa zuciya, tunani da ji.
Mata da yawa suna iya jin dumi, sha’awa, da nishadi ba tare da an kusanci gabansu ba, muddin an bi hanyoyin da suka dace.
Wannan ba ra’ayi ba ne kawai, binciken masana ilimin aure da lafiyar mata sun tabbatar da cewa mace tana buƙatar shiri na zuciya da jiki kafin jikinta ya amsa.
Ga muhimman abubuwan da ke sa mace ta ji dumi nan take, cikin ladabi kuma cikin ilimi:
- Kulawa da Lura
Mace tana jin dumi idan ta ji ana kula da ita. Kallon idanu da natsuwa, sauraron abinda take faɗa, da nuna mata cewa tana da muhimmanci, na iya motsa sha’awarta fiye da tabawa.
Kulawa tana fara daga:
Tambayar yadda ta ji
Nuna damuwa idan tana cikin matsala
Taimaka mata ko da a kan ƙananan abubuwa - Kyakkyawar Magana Mai Tausayi
Magana tana da ƙarfin gaske a zuciyar mace. Kalaman da ke nuna ƙauna, yabo, da godiya na iya canza yanayin zuciyarta gaba ɗaya.
Misali:
“Ina jin daɗin zama dake”
“Kin burge ni yau”
“Ina alfahari dake”
Waɗannan kalmomi na iya sa zuciyarta ta natsu, jikinta kuma ya amsa. - Jin Tsaro da Kwanciyar Hankali
Mace ba za ta iya jin dumi ba idan tana cikin tsoro, damuwa, ko rashin kwanciyar hankali. Idan ta san mijinta:
ba zai tilasta ta ba
zai mutunta ra’ayinta
zai kiyaye sirrinta
to jikinta yana amsawa da sauƙi. - Taɓawa Mai Tausayi Ba Tare Da Gaggawa Ba
Ba duk taɓawa ake yi da niyyar jima’i ba. Wasu taɓawar na nuni da soyayya ne kawai:
Riƙe hannu
Shafa kai ko baya
Runguma mai natsuwa
Wannan yana sa mace ta ji ana ƙaunarta, daga nan jikinta na iya fara jin dumi a hankali. - Kamshi da Tsafta
Tsafta da kamshi suna da matuƙar tasiri. Mace tana iya jin sha’awa idan ta ji:
kamshi mai daɗi daga mijinta
jikinsa a tsaftace
tufafinsa a shirye
Wannan yana motsa hankalinta ba tare da an yi wani abu kai tsaye ba. - Lokaci da Yanayi
Yanayi yana da muhimmanci:
Daki mai tsabta
Haske mai laushi
Shiru ko sautin da ke kwantar da hankali
Duk suna taimakawa mace ta ji dumi saboda kwakwaluwarta na jin daɗi da natsuwa. - Fahimta da Hakuri
Mata ba injina ba ne. Akwai lokutan da jikinsu ke amsawa da sauri, akwai kuma lokutan da ba haka ba. Namiji mai fahimta:
ba ya matsa lamba
ba ya kwatanta ta da wata
yana ba ta lokaci
Wannan kansa yana sa mace ta ji kusanci da dumi. - Abun Lura Shine:
Jin dumin mace ba lallai sai jima’i ba. Yana farawa ne daga:
zuciya
kulawa
soyayya
natsuwa
Idan namiji ya fahimci wannan, zamantakewar aure zata inganta, jin daɗi ya ƙaru, kuma gamsuwa ta zama ta juna ba ta tilas ba. - Gargadi:
Wannan labarin na ilimi ne kuma na ma’aurata kaɗai. An rubuta shi domin fahimta da gyaran zamantakewar aure, ba don tayar da sha’awa a bainar jama’a ba.
