Mata da yawa suna fuskantar fitowar kuraje, kaikayi ko kumburi bayan sun aske gashin mararsu.
Wannan matsala tana iya sa rashin jin daɗi, ƙaiƙayi ko ma hana mace yin aski gaba ɗaya.
Amma gaskiya ita ce: wannan matsala tana da magani idan an bi hanyar da ta dace.
Me ke kawo kuraje bayan aski?
Kurajen da ke fitowa bayan aski yawanci suna faruwa ne saboda:
ƙwayoyin cuta da ke shiga ramukan fata
amfani da reza tsohuwa ko mara kaifi
rashin tsafta kafin ko bayan aski
aski da fata busasshiya ba tare da ruwa ko sabulu ba
Wadannan abubuwa suna sa fata ta ji rauni, ta kumbura ko ta haifar da kuraje.
Yadda za ki yi aski ba tare da samun kuraje ba
- Ki fara da tsaftace wurin
Kafin ki yi aski:
Ki wanke marar da ruwan ɗumi
Ki yi amfani da sabulu mai kashe ƙwayoyin cuta
Ki busar da wurin da tawul mai tsabta
Wannan yana rage haɗarin kamuwa da ƙwayoyin cuta.- Ki yi amfani da reza mai kyau
Kar ki yi amfani da:
reza tsohuwa
wuka mai tsatsa
reza da aka yi amfani da ita sau da yawa
Reza mai kaifi tana yankewa cikin sauƙi ba tare da jawo rauni ba. - Ki yi amfani da ruwan dumi da sabulu ko shaving gel
Ruwan dumi yana:
buɗe ramukan fata
sauƙaƙa yanke gashi
Sabulu ko gel kuma yana hana reza ta jawo fata.- Ki yi aski a hankali
Kada ki:
matsa reza sosai
maimaita shafawa a wuri guda sau da yawa
Ki bi alkiblar girman gashin a hankali. - Bayan aski, ki shafa abin kariya
Bayan kin gama aski, ki shafa ɗaya daga cikin waɗannan:
Aloe vera gel – yana sanyaya fata kuma yana rage kumburi
Tea tree oil (a gauraye da man kwakwa) – yana kashe ƙwayoyin cuta
Manshanu (shea butter) – yana hana bushewa da kaikayi
Antiseptic (kad’iss) – yana hana kamuwa da cuta - Kada ki saka wando mai matsewa nan da nan
Ki bari wurin ya samu iska na akalla: awa 3 zuwa 4
Wannan yana taimaka wa fata ta warke cikin sauri. - Ki kula da jiki gaba ɗaya
Ki yawaita shan ruwa
Ki kula da tsaftar jiki
Ki guji shafawa wurin da hannu marar tsabta
Kuraje bayan askin mara ba laifi ba ne, amma suna faruwa ne saboda rashin bin hanya mai kyau. Idan mace ta kula da tsafta, kayan da take amfani da su, da yadda take yin aski, za ta iya guje wa wannan matsala gaba ɗaya.
